ماك بوك برو الجديد


بسم الله الرحمن الرحيم

The new MacBook Pro

 

هالشركة عقدوني , قمت احس بالاونة الاخيرة(حلوه الاونة الاخيرة) انهم بس يبون ينزلون المنتجات عشان الناس تشتري منهم
وانا اذا فكررررررررت جذي .. شسوي بعد امري لله بشتري منكم وانا ساكت لاني احبكم مالت عليكم

 

الاحجام نفسها ما اختلفت

13 , 15 ,17 انش

 

الاختلاف فقط بـ 3 مميزات جديدة , ألا وهي

(1)
البروسسر
intel inside core i7

بالنسبة للـ 15 وال17 انش تطورو وحطو فيهم تقنية يديدة الكواد كور
Quad-Core

يعني بالمختصر المستفيد 4 بروسسرات مع بعض
اللي يقولي غلط اقوله ماتشور شر
كواد بلغة البرمجيات والانترنتيات يعني اربعة
والكور يعني واحد !!

والله واحد والدين واحد عدل ؟؟

فالمختصر المفيد يقول الكور اللي اهو 1 داخلة 4 بروسسرات
هذا والله يعلم وانتم لا تعلمون

 

نروح حق رقم

(2)
thunderboltالصاعقة او بالانجليزي خاصية الـ

Thunderbolt
شنو يعني الصاعقة او ثندر بولت
تكنلوجيا حديثة من نقل البيانات عن طريق المدخلات (الطابعة السكانر .. الخ) والبروجتكتر كذلك عن طريق واير يعطيك سرعة عالية الاداء تصل إلى 10 قيقا بايت\ثانية

اخيرا نقطة رقم

(3)
كرت الشاشة
AMD Radeon

وهاذي الخاصية تغيرت فقط في اجهزة الـ17 وال15 انش اصبحت تظاهي الاجهزة القديمة من حيث كرت الشاشة
والمستفيدون هم اللي يلعبون جيمز وايد والمحترفين في برامج التحرير مثل الفوتوشوب واتو كاد وغيرها … نقطة من اول السطر

 

 

نسيت اقولكم ان الخاصية الاخيرة

(4)
الفيس تايم FaceTime HD

صار اتش-دي

يعني بدال ما تكون الشاشة قياسها 1024في600 الحين تقدر تخليها فل سكرين 1024في1024

وانا ما اشوفها خاصية حلوه وجني بزعل عليكم يا ابل.

 

وانا بالنهاية اقول حكمة

لا غاب ستيف جوبز … ألعبي يا إدارة
حرام ما تغير شكل اللابتوب خصوصا انه جيل جديد من اجهزة الماك بوك برو

 

 

 

شكرا

"مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيدٌ"

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s